هو الحل الوحيد الإنساني والفعّال للحد من التكاثر الزائد ديال الحيوانات.

حنا مغاربة وأجانب، كنآمنو بلي الحيوانات خاصها تعيش بكرامة وباحترام.

كنعارضو بشدة القانون 19.25، حيث كيجرّم التعاطف والرحمة، وفنفس الوقت ما كيقدم حتى حل إنساني لمشكل كثرة القطط والكلاب اللي عايشين فالزنقة.

حنا كندعمو:

• التعقيم المجاني أو بثمن مناسب لجميع القطط والكلاب، سواء اللي عندها دار ولا اللي عايشة فالزنقة. التعقيم المستمر وعلى المدى الطويل هو الحل الإنساني الوحيد باش ننقصو من عدد الحيوانات اللي ما عندهاش شكون يهلا فيها وكتعيش فالشارع.

• سنّ وتطبيق قوانين للحد من رمي القطط والكلاب الصغار اللي مازال ما قدروش يعيشو بوحدهم. أغلبهم كيموتو بالجوع.

• المجهودات ديال IAWPC للتوعية بعمليات القتل الجماعي والعنيف للكلاب.

• المجهودات ديال Humane Society of Morocco لتحسين ظروف ورفاهية الحيوانات فمختلف أنحاء المغرب.